მომავლის სტანდარტი მძიმე ელექტრომობილებისთვის

კომერციული სატრანსპორტო საშუალებების მძიმე ტვირთამწეობის დამუხტვის სამუშაო ჯგუფის შექმნიდან ოთხი წლის შემდეგ, CharIN EV-მ შეიმუშავა და აჩვენა ახალი გლობალური გადაწყვეტა მძიმე ტვირთამწეობის სატვირთო მანქანებისა და სხვა მძიმე ტვირთამწეობის ტრანსპორტის საშუალებებისთვის: მეგავატიანი დამუხტვის სისტემა.

ნორვეგიის დედაქალაქ ოსლოში, ელექტრომობილების საერთაშორისო სიმპოზიუმზე, 300-ზე მეტი ვიზიტორი დაესწრო მეგავატიანი დამუხტვის სისტემის (MCS) პროტიპის პრეზენტაციას, რომელიც მოიცავდა Alpitronic-ის დამტენისა და Scania-ს ელექტრო სატვირთოს დემონსტრირებას.

დამუხტვის სისტემა წყვეტს მძიმე სატვირთო მანქანების ელექტროფიკაციის მთავარ დაბრკოლებას, რაც სატვირთოს სწრაფად დატენვისა და გზაზე დაბრუნების შესაძლებლობას წარმოადგენს.

„დღეს ჩვენ გვაქვს ე.წ. მოკლე და საშუალო რეგიონალური გადაზიდვის ელექტრო ტრაქტორები, რომლებსაც დაახლოებით 200 მილის, შესაძლოა 300 მილის დიაპაზონი აქვთ“, - განუცხადა HDT-ს ჩრდილოეთ ამერიკის ტვირთების ეფექტურობის საბჭოს აღმასრულებელმა დირექტორმა მაიკ როეთმა. „მეგავატიანი დამუხტვა ჩვენთვის [ინდუსტრიისთვის] ნამდვილად მნიშვნელოვანია, რათა შევძლოთ ამ დიაპაზონის გაფართოება და დავაკმაყოფილოთ როგორც გრძელი რეგიონალური რეისები... ასევე დაახლოებით 500 მილის სიგრძის განსხვავებული მარშრუტები“.

MCS, რომელიც აღჭურვილია მძიმე ელექტრომობილებისთვის განკუთვნილი DC სწრაფი დამუხტვის კონექტორით, შემუშავდა მსოფლიო სტანდარტის შესაქმნელად. მომავალში, სისტემა დააკმაყოფილებს სატვირთო და ავტობუსების ინდუსტრიის მოთხოვნას გონივრულ დროში დატენვასთან დაკავშირებით, განაცხადეს CharIN-ის წარმომადგენლებმა პრესრელიზში.

MCS აერთიანებს ISO/IEC 15118-ზე დაფუძნებული კომბინირებული დამუხტვის სისტემის (CCS) უპირატესობებსა და მახასიათებლებს ახალი კონექტორის დიზაინით, რაც უზრუნველყოფს უფრო მაღალი დამუხტვის სიმძლავრეს. MCS შექმნილია 1250 ვოლტამდე და 3000 ამპერამდე დამუხტვის ძაბვისთვის.

სტანდარტი საკვანძოა ელექტრო ბატარეაზე მომუშავე შორ მანძილზე გადასაადგილებელი სატვირთო მანქანებისთვის, თუმცა ის ასევე ხელს შეუწყობს ისეთი მძიმე ტვირთამწეობის მქონე ინდუსტრიების განვითარებას, როგორიცაა საზღვაო, აერონავტიკა, სამთომოპოვებითი ინდუსტრია ან სოფლის მეურნეობა.

CharIn-ის წარმომადგენლების თქმით, დამტენის სტანდარტისა და საბოლოო დიზაინის საბოლოო გამოქვეყნება 2024 წელს არის მოსალოდნელი. CharIn არის გლობალური ასოციაცია, რომელიც ელექტრომობილების დანერგვაზეა ორიენტირებული.

კიდევ ერთი მიღწევა: MCS კონექტორები
CharIN MCS სამუშაო ჯგუფმა ასევე მიაღწია საერთო შეთანხმებას მსოფლიოს ყველა სატვირთო მანქანისთვის დამტენის კონექტორისა და პოზიციის სტანდარტიზაციის შესახებ. როეტი განმარტავს, რომ დამტენის კონექტორისა და დამტენის პროცესის სტანდარტიზაცია წინგადადგმული ნაბიჯი იქნება მძიმე სატვირთო მანქანებისთვის დამტენი ინფრასტრუქტურის შესაქმნელად.

ერთი მხრივ, უფრო სწრაფი დამუხტვა შეამცირებდა ლოდინის დროს სატვირთო მანქანების სამომავლო გაჩერებებზე. ეს ასევე ხელს შეუწყობდა იმას, რასაც NACFE „შესაძლებლობის დამუხტვას“ ან „მარშრუტის დამუხტვას“ უწოდებს, სადაც სატვირთო მანქანას შეუძლია ძალიან სწრაფად დატენოს თავისი დიაპაზონის გასაზრდელად.

„ასე რომ, შესაძლოა, ღამით სატვირთო მანქანებს 200 მილის გავლა შეეძლოთ, შემდეგ კი დღის შუა პერიოდში 20 წუთით გაჩერებისას 100-200 მილის გავლას ახერხებდით, ან რაიმე მნიშვნელოვანს, რომ გაგეზარდათ დიაპაზონი“, - განმარტავს როეთი. „შესაძლოა, სატვირთო მანქანის მძღოლი ამ პერიოდში შესვენებას იღებდეს, მაგრამ მათ შეუძლიათ ნამდვილად დაზოგონ ბევრი ფული და არ მოუწიოთ უზარმაზარი აკუმულატორების პაკეტების, ზედმეტი წონის და ა.შ. მართვა“.

ამ ტიპის დამუხტვა მოითხოვს ტვირთებისა და მარშრუტების უფრო პროგნოზირებადობას, თუმცა როეტის თქმით, დატვირთვის შესაბამისობის ტექნოლოგიების განვითარებასთან ერთად, ტვირთების ნაწილი სასურველ დონემდე აღწევს, რაც ელექტროფიკაციას უფრო აადვილებს.

CharIN-ის წევრები 2023 წელს MCS-ის დანერგვის საკუთარ პროდუქტებს წარადგენენ. სამუშაო ჯგუფში 80-ზე მეტი კომპანიაა, მათ შორის Cummins, Daimler Truck, Nikola და Volvo Trucks, როგორც „ძირითადი წევრები“.

ინდუსტრიისა და კვლევითი ინსტიტუტების დაინტერესებული პარტნიორების კონსორციუმმა უკვე დაიწყო პილოტური პროექტი გერმანიაში, HoLa პროექტი, რათა მეგავატიანი დამუხტვა რეალურ პირობებში დანერგოს შორ მანძილზე სატვირთო გადაზიდვებისთვის და მეტი ინფორმაცია მოიპოვოს ევროპული MCS ქსელის მოთხოვნის შესახებ.